ಎಪ್ರಿಲ್ ಮೇ ತಿಂಗಳ ಬಿಸಿಗಾಳಿ: ಜಾಗರೂಕತೆ ವಹಿಸಿದಷ್ಟು ಉತ್ತಮ

ಕರ್ನಾಟಕದಲ್ಲಿ ಏಪ್ರಿಲ್ ಮತ್ತು ಮೇ ತಿಂಗಳುಗಳು ಎಂದರೆ ತೀವ್ರ ಬೇಸಿಗೆಯ ಉಚ್ಚಸ್ಥಿತಿ. ಈ ಬಾರಿ ಹವಾಮಾನ ಇಲಾಖೆ “ಯೆಲ್ಲೋ ಅಲರ್ಟ್” ಘೋಷಿಸಿರುವುದು ಪರಿಸ್ಥಿತಿ ಸಾಮಾನ್ಯಕ್ಕಿಂತ ಗಂಭೀರವಾಗಿರುವುದನ್ನು ಸೂಚಿಸುತ್ತದೆ. ಯೆಲ್ಲೋ ಅಲರ್ಟ್ ಎಂದರೆ ತಕ್ಷಣದ ಅಪಾಯವಲ್ಲ, ಆದರೆ ನಿರ್ಲಕ್ಷ್ಯ ಮಾಡಿದರೆ ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರುವ ಸಾಧ್ಯತೆ ಇದೆ ಎಂಬ ಮುನ್ನೆಚ್ಚರಿಕೆ.

ಈ ಬಿಸಿಗಾಳಿಯ ಪ್ರಮುಖ ಕಾರಣಗಳು ಹವಾಮಾನ ಬದಲಾವಣೆ, ಅರಣ್ಯನಾಶ, ನಗರೀಕರಣ , ಕಾಡ್ಗಿಚ್ಚು ಮತ್ತು ನೀರಿನ ಮೂಲಗಳ ಕೊರತೆ. ದಿನದಿಂದ ದಿನಕ್ಕೆ ತಾಪಮಾನ ಏರಿಕೆಯಾಗುತ್ತಿರುವುದು ಮಾನವ ಜೀವನದ ಮೇಲೆ ಮಾತ್ರವಲ್ಲ, ಪರಿಸರ ಮತ್ತು ಆರ್ಥಿಕ ಚಟುವಟಿಕೆಗಳ ಮೇಲೂ ಪರಿಣಾಮ ಬೀರುತ್ತಿದೆ.

ಆರೋಗ್ಯದ ದೃಷ್ಟಿಯಿಂದ ನೋಡಿದರೆ, ಬಿಸಿಗಾಳಿ ದೇಹದ ತಾಪಮಾನ ನಿಯಂತ್ರಣ ವ್ಯವಸ್ಥೆಯನ್ನು ಅಸ್ತವ್ಯಸ್ತಗೊಳಿಸುತ್ತದೆ. ಇದರ ಪರಿಣಾಮವಾಗಿ ಡಿಹೈಡ್ರೇಷನ್, ಹೀಟ್ ಎಕ್ಸಾಸ್ಟಿಯನ್ ಮತ್ತು ಹೀಟ್ ಸ್ಟ್ರೋಕ್ ಮುಂತಾದ ಸಮಸ್ಯೆಗಳು ಉಂಟಾಗುತ್ತವೆ. ವಿಶೇಷವಾಗಿ ಹೊರಗಡೆ ಕೆಲಸ ಮಾಡುವ ಕಾರ್ಮಿಕರು, ಹಿರಿಯ ನಾಗರಿಕರು ಮತ್ತು ಆರೋಗ್ಯ ಸಮಸ್ಯೆಗಳಿರುವವರು ಹೆಚ್ಚು ಅಪಾಯಕ್ಕೆ ಒಳಗಾಗುತ್ತಾರೆ.

ವೈದ್ಯರು ಸೂಚಿಸುವಂತೆ, ಈ ಸಮಯದಲ್ಲಿ ದೇಹದ ಹೈಡ್ರೇಷನ್ ಕಾಪಾಡಿಕೊಳ್ಳುವುದು ಅತ್ಯಂತ ಮುಖ್ಯ. ದಾಹವಾಗದಿದ್ದರೂ ನಿಯಮಿತವಾಗಿ ನೀರು ಕುಡಿಯುವುದು, ಮಜ್ಜಿಗೆ, ನಿಂಬೆ ಸರಬತ್ತು, ತೆಂಗಿನಕಾಯಿ ನೀರು ಮುಂತಾದ ತಂಪು ಪಾನೀಯಗಳನ್ನು ಸೇವಿಸುವುದು ಒಳಿತು. ಬಿಸಿಲಿನ ತೀವ್ರತೆ ಹೆಚ್ಚಿರುವ ಮಧ್ಯಾಹ್ನ 11ರಿಂದ ಸಂಜೆ 4ರವರೆಗೆ ಹೊರಗೆ ಹೋಗುವುದನ್ನು ತಪ್ಪಿಸುವುದು ಸೂಕ್ತ.

ಉಡುಪಿನ ಆಯ್ಕೆಯಲ್ಲಿಯೂ ಜಾಗ್ರತೆ ಅಗತ್ಯ. ಹಗುರವಾದ, ಹತ್ತಿಯ ಬಟ್ಟೆಗಳು ದೇಹಕ್ಕೆ ತಂಪು ನೀಡುತ್ತವೆ. ತಲೆ ಮೇಲೆ ಕ್ಯಾಪ್ ಅಥವಾ ಗಮ್ಛಾ ಬಳಸುವುದು ಬಿಸಿಲಿನ ನೇರ ಪರಿಣಾಮವನ್ನು ಕಡಿಮೆ ಮಾಡುತ್ತದೆ. ಮನೆಯೊಳಗೆ ಗಾಳಿ ಸರಾಗವಾಗಿ ಹರಿಯುವಂತೆ ನೋಡಿಕೊಳ್ಳುವುದು ಮತ್ತು ಅಗತ್ಯವಿದ್ದರೆ ಫ್ಯಾನ್ ಅಥವಾ ಕೂಲರ್ ಬಳಕೆ ಸಹ ಉಪಯುಕ್ತ.

ಸರ್ಕಾರದ ಮಟ್ಟದಲ್ಲಿಯೂ ಮುನ್ನೆಚ್ಚರಿಕಾ ಕ್ರಮಗಳು ಅಗತ್ಯ. ಸಾರ್ವಜನಿಕ ಸ್ಥಳಗಳಲ್ಲಿ ಕುಡಿಯುವ ನೀರಿನ ವ್ಯವಸ್ಥೆ, ತಂಪು ಶಿಬಿರಗಳು ಮತ್ತು ಆರೋಗ್ಯ ತಪಾಸಣಾ ಕೇಂದ್ರಗಳನ್ನು ಸ್ಥಾಪಿಸುವುದು ಜನರ ಸುರಕ್ಷತೆಗೆ ಸಹಕಾರಿ. ಉದ್ಯೋಗ ಕ್ಷೇತ್ರಗಳಲ್ಲಿ ಕೆಲಸದ ಸಮಯವನ್ನು ಬದಲಾಯಿಸುವುದು ಕೂಡ ಒಂದು ಉತ್ತಮ ಕ್ರಮವಾಗಬಹುದು.

ಸಮಾಜದ ಪ್ರತಿಯೊಬ್ಬರ ಜವಾಬ್ದಾರಿಯೂ ಇಲ್ಲಿ ಮಹತ್ವದ್ದಾಗಿದೆ. ನಮ್ಮ ಸುತ್ತಮುತ್ತಲಿನ ವೃದ್ಧರು, ಕಾರ್ಮಿಕರು ಮತ್ತು ಆರ್ಥಿಕವಾಗಿ ಹಿಂದುಳಿದವರ ಬಗ್ಗೆ ಗಮನ ಹರಿಸುವುದು ಮಾನವೀಯ ಕರ್ತವ್ಯ. ಅವರಿಗೆ ನೀರು, ವಿಶ್ರಾಂತಿ ಮತ್ತು ಅಗತ್ಯ ನೆರವು ಒದಗಿಸುವ ಮೂಲಕ ನಾವು ಬಿಸಿಗಾಳಿಯ ವಿರುದ್ಧ ಹೋರಾಡಬಹುದು.

ಒಟ್ಟಿನಲ್ಲಿ, ಬಿಸಿಗಾಳಿ ಒಂದು ಪ್ರಕೃತಿ ಪ್ರಕ್ರಿಯೆಯಾಗಿದ್ದರೂ, ಅದರ ತೀವ್ರತೆಯನ್ನು ನಾವು ನಮ್ಮ ಜೀವನ ಶೈಲಿಯಲ್ಲಿ ಬದಲಾವಣೆ ಮಾಡಿ ನಿಯಂತ್ರಿಸಬಹುದು. ಜಾಗ್ರತೆ, ಜವಾಬ್ದಾರಿ ಮತ್ತು ಸಹಕಾರ ಈ ಮೂರು ಅಂಶಗಳನ್ನು ಪಾಲಿಸಿದರೆ, ಬಿಸಿಗಾಳಿಯ ಪರಿಣಾಮಗಳನ್ನು ಕಡಿಮೆ ಮಾಡಬಹುದು.

“ಪ್ರಕೃತಿಯ ಸೂಚನೆಗಳನ್ನು ನಿರ್ಲಕ್ಷಿಸಬೇಡಿ; ಇಂದು ತೆಗೆದುಕೊಳ್ಳುವ ಸಣ್ಣ ಮುನ್ನೆಚ್ಚರಿಕೆಗಳು ನಾಳೆಯ ದೊಡ್ಡ ಅಪಾಯಗಳನ್ನು ತಪ್ಪಿಸಬಹುದು.”

ಸಾಮಾನ್ಯವಾಗಿ ಎಲ್ಲರೂ ಪಾಲಿಸಬೇಕಾದುದು
೧) ಬೆಳಿಗ್ಗೆ 11 ರಿಂದ ಸಂಜೆ 4 ಗಂಟೆವರೆಗೆ ಹೊರಗೆ ಹೋಗುವುದು ತಪ್ಪಿಸಿ
೨) ದಿನಕ್ಕೆ ಹೆಚ್ಚು ನೀರು ಕುಡಿಯಿರಿ (ದಣಿವಿನಂತೆ ಕಾಯದಿರಿ)
೩) ಹತ್ತಿಬಟ್ಟೆ, ಸಡಿಲವಾದ, ಬಿಳಿ ಅಥವಾ ಲೈಟ್ ಬಣ್ಣದ ಬಟ್ಟೆ ಧರಿಸಿ
೪) ಮನೆ ಒಳಗೆ ಗಾಳಿ ಹರಿಯುವಂತೆ ಕಿಟಕಿಗಳನ್ನು ತೆರೆದಿಡಿ
೫) ತಲೆ ಮೇಲೆ ಕ್ಯಾಪ್ / ದುಪ್ಪಟ್ಟಿ ಬಳಸಿಕೊಳ್ಳಿ

ಇದರಿಂದ ಮಕ್ಕಳನ್ನು ರಕ್ಷಿಸುವುದು ಹೇಗೆ?
೧) ಮಕ್ಕಳನ್ನು ಮಧ್ಯಾಹ್ನ ಬಿಸಿಲಿನಲ್ಲಿ ಆಡಲು ಬಿಡಬೇಡಿ
೨) ಹೆಚ್ಚು ನೀರು, ಮಜ್ಜಿಗೆ, ನಿಂಬೆಹಣ್ಣು ಜ್ಯೂಸ್ ಕೊಡಿರಿ
೩) ಚಿಕ್ಕ ಮಕ್ಕಳು ದೇಹದ ತಾಪಮಾನ ಹೆಚ್ಚಾದರೆ ಬೇಗ ತೊಂದರೆಗೀಡಾಗುತ್ತಾರೆ, ಆಗಾಗ್ಗೆ ಗಮನಿಸಿ
೪) ಹಣ್ಣುಗಳು (ಕಲ್ಲಂಗಡಿ, ಕಾಕಂಬಿ, ಬಾಳೆಹಣ್ಣು) ಕೊಡಿರಿ
೫) ಶಾಲೆಗೆ ಹೋಗುವ ಮಕ್ಕಳಿಗೆ ನೀರಿನ ಬಾಟಲ್ ಕಡ್ಡಾಯವಾಗಿ ನೀಡಿ

ವೃದ್ಧರನ್ನು ಹೇಗೆ ರಕ್ಷಿಸಬಹುದುದು?!

೧) ವೃದ್ಧರಿಗೆ ದಾಹ ಅನ್ನಿಸದೇ ಇದ್ದರೂ ನೀರು ಕುಡಿಸಲು ನೆನಪಿಸಿ
೨) ಔಷಧಿ ತೆಗೆದುಕೊಳ್ಳುವವರು dehydration ಆಗದಂತೆ ನೋಡಿಕೊಳ್ಳಿ
೩) ತಂಪಾದ ಸ್ಥಳದಲ್ಲಿ ಇರಿಸಿ (ಫ್ಯಾನ್/ಕೂಲರ್ ಬಳಸಿ)
೪) ಹೊರಗೆ ಹೋಗುವುದನ್ನು ಸಾಧ್ಯವಾದಷ್ಟು ಕಡಿಮೆ ಮಾಡಿ
೫) ರ್ಮ ಒಣಗುವುದು, ತಲೆಸುತ್ತು, ದೌರ್ಬಲ್ಯ ಕಂಡುಬಂದರೆ ತಕ್ಷಣ ವಿಶ್ರಾಂತಿ ಕೊಡಿಸಿ

ತಂಪು ಪಾನೀಯಗಳು (ಮನೆಯಲ್ಲಿ ಮಾಡಬಹುದಾದವು)

ಮಜ್ಜಿಗೆ (Buttermilk)
ನಿಂಬೆಹಣ್ಣು ಸರಬತ್ತು (Lemon juice)
ಬೆಲ್ಲದ ಪಾನಕ (Jaggery drink)
ಎಳನೀರು (Tender coconut water)

Heat Stroke ಲಕ್ಷಣಗಳು (ಗಮನಿಸಬೇಕಾದವು)

ತಲೆ ಸುತ್ತುವುದು
ಹೆಚ್ಚು ಬೆವರು ಅಥವಾ ಸಂಪೂರ್ಣ ಬೆವರು ನಿಲ್ಲುವುದು
ದೇಹ ತುಂಬಾ ಬಿಸಿ ಆಗುವುದು
ವಾಂತಿ / ತಲೆನೋವು

ಇಂತಹ ಲಕ್ಷಣಗಳು ಕಂಡುಬಂದರೆ:
ತಕ್ಷಣ ತಂಪಾದ ಸ್ಥಳಕ್ಕೆ ಕರೆದೊಯ್ಯಿರಿ, ನೀರು ಅಥವಾ ORS ಕೊಡಿ, ತೀವ್ರವಾಗಿದ್ದರೆ ಆಸ್ಪತ್ರೆಗೆ ಕರೆದೊಯ್ಯಿರಿ.

ಮನೆಗೆ ಸಣ್ಣ ಉಪಾಯಗಳು
ನೆಲಕ್ಕೆ ನೀರು ಸಿಂಪಡಿಸಿ ತಂಪು ಮಾಡಬಹುದು
ಕಿಟಕಿಗೆ ತಂಪಾದ ಪರದೆ / ತೇವವಾದ ಬಟ್ಟೆ ಹಾಕಿ
ಮಣ್ಣಿನ ಮಡಿಕೆಯಲ್ಲಿ ನೀರನ್ನು ಹಾಕಿ ಕುಡಿಯಿರಿ

ವರದಿ
ಸಿಂಧು ಭಾರ್ಗವ