ಸುಳ್ಯ : ಶೈಕ್ಷಣಿಕ ಕ್ಷೇತ್ರದಲ್ಲಿ ಉತ್ತಮ ಸಾಧನೆ – ನೆಹರೂ ಮೆಮೋರಿಯಲ್ ಕಾಲೇಜಿನ ವಿದ್ಯಾರ್ಥಿನಿ ಫಾತಿಮತ್ ಮುನೀಷಾಗೆ ಅಭಿನಂದನೆ

ಸುಳ್ಯ: ಇಲ್ಲಿನ ನೆಹರೂ ಮೆಮೋರಿಯಲ್ ಕಾಲೇಜಿನ ಬಿ.ಕಾಂ (B.Com) ವಿಭಾಗದ ವಿದ್ಯಾರ್ಥಿನಿ, ಜೀರ್ಮುಕ್ಕಿ ನಿವಾಸಿ ಫಾತಿಮತ್ ಮುನೀಷಾ ಅವರು 2026ರ ಸಾಲಿನ ಅಂತಿಮ ಪರೀಕ್ಷೆಯಲ್ಲಿ ಅತ್ಯುತ್ತಮ ಅಂಕಗಳನ್ನು ಗಳಿಸಿ ಸಾಧನೆ ಮಾಡಿದ್ದಾರೆ.

ಮೊಯಿದು ಕುಞ್ಞಿ ಮತ್ತು ಐಶಾಬಿ ದಂಪತಿಯ ಪುತ್ರಿಯಾಗಿರುವ ಫಾತಿಮತ್ ಮುನೀಷಾ ಅವರು ಬಿ.ಕಾಂ ಪರೀಕ್ಷೆಯಲ್ಲಿ ಒಟ್ಟು 650 ಅಂಕಗಳಿಗೆ 580 ಅಂಕಗಳನ್ನು (ಶೇಕಡಾ 89.2%) ಪಡೆಯುವ ಮೂಲಕ ಸಂಸ್ಥೆಗೆ ಹಾಗೂ ಹೆತ್ತವರಿಗೆ ಕೀರ್ತಿ ತಂದಿದ್ದಾರೆ.

ಅಲ್ಲದೆ, ಪಠ್ಯಕ್ರಮದ ಪ್ರಮುಖ ವಿಷಯವಾದ ‘ಇಂಡಿಯನ್ ಅಕೌಂಟಿಂಗ್ ಸ್ಟ್ಯಾಂಡರ್ಡ್’ (IAS) ವಿಷಯದಲ್ಲಿ 100ಕ್ಕೆ 100 ಅಂಕಗಳನ್ನು ಪಡೆಯುವ ಮೂಲಕ ಪೂರ್ಣ ಅಂಕ ಗಳಿಸಿ ವಿಶೇಷ ಸಾಧನೆಗೈದಿದ್ದಾರೆ.

ವಿದ್ಯಾರ್ಥಿನಿಯ ಈ ಉನ್ನತ ಸಾಧನೆಗೆ ಕಾಲೇಜಿನ ಆಡಳಿತ ಮಂಡಳಿ, ಪ್ರಾಂಶುಪಾಲರು, ಉಪನ್ಯಾಸಕ ವೃಂದ ಹಾಗೂ ಸ್ಥಳೀಯರು ಹರ್ಷ ವ್ಯಕ್ತಪಡಿಸಿ ಶುಭ ಹಾರೈಸಿದ್ದಾರೆ.