ಸುಳ್ಯದ ಗ್ರೀನ್ ವ್ಯೂ ಆಂಗ್ಲಮಾಧ್ಯಮ ಪ್ರೌಢಶಾಲೆಯು 2025-26ನೇ ಸಾಲಿನ ಎಸ್ಸೆಸೆಲ್ಸಿ ಪರೀಕ್ಷೆಯಲ್ಲಿ ಅತ್ಯುತ್ತಮ ಸಾಧನೆ ಮಾಡಿದ್ದು, ಶಾಲೆಯು ಶೇಕಡಾ 100ರಷ್ಟು ಫಲಿತಾಂಶವನ್ನು ದಾಖಲಿಸಿದೆ. ಪರೀಕ್ಷೆಗೆ ಹಾಜರಾದ ಎಲ್ಲಾ 24 ವಿದ್ಯಾರ್ಥಿಗಳು ಯಶಸ್ವಿಯಾಗಿ ತೇರ್ಗಡೆ ಹೊಂದುವ ಮೂಲಕ ಶಾಲೆಗೆ ಕೀರ್ತಿ ತಂದಿದ್ದಾರೆ.
ಈ ಸಾಲಿನ ಪರೀಕ್ಷೆಯಲ್ಲಿ ಶಾಲೆಯ 10 ವಿದ್ಯಾರ್ಥಿಗಳು ಉನ್ನತ ಶ್ರೇಣಿಯಲ್ಲಿ (Distinction) ಹಾಗೂ 14 ವಿದ್ಯಾರ್ಥಿಗಳು ಪ್ರಥಮ ಶ್ರೇಣಿಯಲ್ಲಿ ಪಾಸಾಗುವ ಮೂಲಕ ಶಾಲೆಯ ಶೈಕ್ಷಣಿಕ ಗುಣಮಟ್ಟವನ್ನು ಎತ್ತಿ ಹಿಡಿದಿದ್ದಾರೆ. ಆಸಿಯಾ ಸನಾ 607 ಅಂಕ ಗಳಿಸಿ ಶಾಲೆಗೆ ಪ್ರಥಮ ಸ್ಥಾನ ಪಡೆದರೆ, ರಿಜಾ ಟಿ.ಜೆಡ್. 603 ಮತ್ತು ರಿಧಾ ಫಾತಿಮಾ 598 ಅಂಕಗಳನ್ನು ಗಳಿಸಿ ಗಮನಾರ್ಹ ಸಾಧನೆ ಮಾಡಿದ್ದಾರೆ.
ವಿದ್ಯಾರ್ಥಿಗಳ ಅಂಕಗಳ ವಿವರ ಹೀಗಿದೆ:
ಆಸಿಯಾ ಸನಾ (607), ರಿಜಾ ಟಿ.ಜೆಡ್. (603), ರಿಧಾ ಫಾತಿಮಾ (598), ನಸೀರಾ ಜನ್ನತ್ (592), ಮಹಮ್ಮದ್ ಫವಾಜ್ ಎ.ಎಚ್. (570), ಅಲಾವುದ್ದೀನ್ (568), ಫಾತಿಮತ್ ಶಮ್ನಾ ಪಿ.ಎಚ್. (556), ಮುಹಮ್ಮದ್ ಮಿದ್ಲಾಜ್ ಟಿ.ಎಂ. (553), ನೌಫಲಾ ಎಂ. (548), ಮುಹಮ್ಮದ್ ರಿಫಾಯಿ (541), ಮೊಹಮ್ಮದ್ ಶೋಯಿಬ್ (520), ಆಯಿಷತ್ ಶಮ್ನಾ (518), ಮುಹಮ್ಮದ್ ಸಿನಾನ್ ಎನ್.ಎಸ್. (517), ಶಜಾ ಫಾತಿಮಾ ಜಿ.ಎಂ. (511), ಮುಹಮ್ಮದ್ ಅಮೀನ್ ಕೆ.ಎಂ. (496), ಟಿ.ಎಲ್. ಮುಫ್ಲಿಹಾ (485), ಫಾತಿಮತ್ ಅಫ್ನಾ ಎಂ. (469), ಹನಾ (465), ಮಹಮ್ಮದ್ ಸನೀಬ್ ಕೆ.ಎ. (459), ರಿಯಾ ಫಾತಿಮಾ (447), ಮಹಮ್ಮದ್ ಆಸಿರ್ (443), ಮೊಹಮ್ಮದ್ ಇಶಾಕ್ ಜಿ.ಐ. (437), ಮಹಮ್ಮದ್ ಅನ್ಶಾಫ್ ಕೆ.ಎ. (431) ಮತ್ತು ಫಾತಿಮಾ ಅನಮ್ ಎಸ್. (391).
ವಿದ್ಯಾರ್ಥಿಗಳ ಈ ನಿರಂತರ ಪರಿಶ್ರಮ ಮತ್ತು ಶಿಕ್ಷಕ ವೃಂದದ ಸೂಕ್ತ ಮಾರ್ಗದರ್ಶನದಿಂದಾಗಿ ಈ ಅದ್ಭುತ ಫಲಿತಾಂಶ ಸಾಧ್ಯವಾಗಿದೆ. ಗ್ರಾಮೀಣ ಭಾಗದ ವಿದ್ಯಾರ್ಥಿಗಳು ಪೈಪೋಟಿಯ ಯುಗದಲ್ಲಿ ಇಂತಹ ಉನ್ನತ ಶ್ರೇಣಿಯ ಅಂಕಗಳನ್ನು ಪಡೆಯುತ್ತಿರುವುದು ಪೋಷಕರಲ್ಲಿ ಮತ್ತು ಶಾಲಾ ಆಡಳಿತ ಮಂಡಳಿಯಲ್ಲಿ ಸಂತಸ ಮೂಡಿಸಿದೆ. ಗ್ರೀನ್ ವ್ಯೂ ಶಾಲೆಯ ಈ ಶೈಕ್ಷಣಿಕ ಮೈಲಿಗಲ್ಲನ್ನು ಸ್ಥಳೀಯರು ಮತ್ತು ವಿದ್ಯಾಭಿಮಾನಿಗಳು ಶ್ಲಾಘಿಸಿದ್ದಾರೆ.
